Admin
Admin
المساهمات : 35
تاريخ التسجيل : 09/04/2014
 |  موضوع: تعلم اختراق الشبكات المحمول الدرس الثاني  الأربعاء أبريل 09, 2014 6:12 pm | |
|
بسم الله الرحمن الرحيم
ده طبعا الدرس التاني من تعليم اختراق والدرس الاول
موجود هنا علشان اللي عاوز يتعلم صح
https://proegypt.yoo7.com/t5-topic
بعض الاساسيات فى اختراق شبكات الموبايل
كتتير بنسال نفسنا يعنى ايه بروكسى (proxy)
يعنى ايه سيرفر(server) يعنى ايه دومين (domine)
يعنى ايه الدى ان اس (dns) يعنى ايه vpn
اولا السرفر (server)
السرفر هو عباره عن جهاز كومبيوتر عملاق
يحتوى على امكانيات عاليه جدا يعنى راماته
كبيييره والهاردسك كبييير والبروسيسر الخ
ثانيا البروكسى (proxy)
البروكسى هو عباره عن برنامج (سوفتوير )
بيتم تركيبه على اجهزه السرفر الى شرحناها
قبل كده البروكسى ده وظائفه كتييره منها
1-التخزين
حيث يتم حفظ صفحات الانترنت المستخدمه
بكثره داخل البروكسى لسهوله طلبها
2-التصفيه (الفلتره)
حيث يقوم البروكسى بعمل فلتره لبعض الموقع
يتم تحديدها من قبل مزود الخدمه على انها مواقع
محجوبه اى لا يتم الوصول اليها من المستخدمين
حيث يتم وضع هذه المواقع فى ال black list
3-التحويل
حيث يتم ضبط البروكسى من قبل مزود الخدمه
على تحويل بعض المواقع الى اخرى مثال على
ذلك تحويل المستخدم عند طلبه لموقع جوجل
الى موقع ياهو مثلا
ثالثا الاى بى (ip)
ال ip هو عباره عن عنوان كل جهاز على شبكه
الانترنت ويتكون من اربع خانات فيها ارقام بالنظام
العشرى مثل 192.132.21.22 ده مثال فقط
والايبى ممكن يكون مكتوب بالنظام العشرى زى
المثال الى فات ده او النظام الثنائى الى هو (0.1)
مثل 10101100.00010000.00011110.00111000
او النظام الهكس
مثل AC 10 1E 38
وغيره من الانظمه طبعا جميع الانظمه دى بتمثل
نفس ال ip بس بصور مختلفه
رابعا الدومين (domine)
الدومين ببساطه هو اسم الموقع مثل دومين جوجل
فمثلا www.google.com ده اسمه دومين (domine)
والدومين فايدته تسهيل العناوين الخاصه بالمواقع
عشان تبقى سهله الحفظ لان زى ما قلت قبل كده
ان عنوان اى جهاز فى الشبكه بيتحدد بالايبى بتاعه
وليس الدومين هتقولى طب ازاى بقى لما بكتب
الدومين بتاع اى موقع بيظهر على طول من غير ما
اكتب الايبى بتاعه هقولك لا انت صحيح بتكتب الدومين
بتاع الموقع لكن انت فعليا بيتم تحويلك للايبى عن طرق
خدمه اسمها ال dns وشرحها فى البند الجاى ده
خامسا الدى ان اس (dns)
ال dns هو عباره عن برنامج بيتم تركيبه على سيرفر
زى البروكسى كده بس بيختلف فى طربقه عمله
ال dns ده بيحتوى على قاعده بيانات كبييره فيها
جميع الدومين والايبى الخاص بجميع مواقع العالم
بحيث ان المستخدم لما يجى يطلب مثلا موقع
جوجل اول حاجه المستخدم بيتصل بسرفر ال dns
وسيرفر ال dns بيحوله لل ip الخاص بجوجل ويتم
ظهور الموقع عند المستخدم وطبعا ده كله بيمر
فى ثوانى
سادسا البروتوكولات Protocols
البروتوكول وهو عباره عن قوانين وقواعد بيتم
الاعتماد عليها عشان يتم الاتصال بنجاح بين
الاجهزه فى الشبكه من اهم هذه البروتوكلات
بروتوكلات النقل
1-بروتوكول (TCP) اختصارل (Transmission control protocol )
البروتوكول ده خاص بالنقل عبر الانترنت وبيعتمد على تقسيم
البيانات الى قطع صغيره تسمى سجمنت ثم ارسالها الى
الطرف الاخر قطعه قطعه والتاكد من وصول البيانات الى
الطرف الاخر بعد كل سجمنت يعنى بالبلدى بيبعت البيانات
ولازم يتاكد من صولها حته حته
2-بروتوكول (udp ) اختصارل (User Datagram Protocol)
البروتوكل ده خاص بالنقل ايضا لكنه عكس ال tcp
حيث انه يقوم بارسال البيانات عبر الشبكه تلقائيا مع
عدم التاكد من وصولها يعنى بالبلدى ببيعت الداتا وخلاص
مش شرط عنده هل هى وصلت ولا مش وصلت
طبعا البروتوكل ده اسرع فى النقل لا نه مش
بيتاكد من وصول البيانات عكس tcp لازم يتاكد الاول
وطبعا البروتوكولين دول خاصين بالنقل فقط
3- بروتوكول التصفح HTTP
وده طبعا معروف ده البروتوكول الخاص بالتصفح
وده خاص بعرض صفحات الويب على المتصفح
وطبعا بيستخدم منفذ محجوز ليه وهو 80
4-بروتوكول ال FTP
وده خاص بتنظيم عمليه تحميل الملفات من الشبكه
وحفظها على الجهاز ويتم استخدام بورت 21 للاتصال
مع السرفر
5-بروتوكول HTTPS
وده بروتوكول التصفح الامن يختلف عن ال HTTP
فى ان الاتصال يكون مشفر بين العميل والسرفر
وفى هذه الحاله يتم استخدام البورت 443 فى الاتصال
6- بروتوكول DNS
وده طبعا شرحنا قل كده وبيتستخدم بورت 53 فى
الاتصال بالسرفر
سابعا ال vpn اختصار ل (Virtual Private Network)
وتعنى الشبكه الخاصه الظاهريه وفكره هذه
الشبكه انها تعتمد على الاتصال بسرفرات شركه معينه
لكى تصبح احد اعضاء هذه الشركه يعنى ببساطه كده
الvpn بيخليك تتصل بشبكه معينه موجوده فى اى بلد بحيث
تاخد ايبى من الشبكه وتبقى واحد منهم وده طبعا
بيخلى الايبى بتاعك يتغير وسرعه التصفح هتزيد على
حسب سرعه الشبكه
ثامنا المنافذ : (ports)
المنافذ هى عباره عن اما كن لمرور البيانات من خلالها
ومن اشهر المنافذ
بورت 80 الخاص بالتصفح فقط
بورت 21 الخاص بنقل البيانات
بورت 443 الخاص بالتصفح الامن
23 الخاص بالتلنت وهى التحكم عن بعد
وغيرها من المنافذ
طبعا دى كانت مقدمه للاساسيات فقط
وان شاء الله فى المقالات القادمه سنناقش
فكره عمل شبكات المحمول وكيفيه اكتشاف ثغراتها | |
|
